؟Labels: Hazayan
At Saturday, April 28, 2007 at 1:40:00 AM GMT+3, 
big big girl...in a big big world
هو كده ديما اوقات الامتحنات تلاقى المواجع اتقلبت و الالهام نزل...
نظريتى فى اللى انت كتبه سيكوباتيه حبتين
احننا مبننساش يا عمرو علشان احنا مش عايزين
بنحب نعيش فى الم و فكر و كده
انا مصدقه جدا ان لو روميو كان اتجوز جوليت كان زمنهم فى المحاكم دلوقتى
بس اهه
بالامر المحال اغتوىىى
بس اهم شىء ان الواحد يبقى صريح مع نفسه و اللى حواليه
اعيش انا فى الم براحتى حياتى و انا حر فيها
لكن اعيش غيرى معايا
يبقى ستوب
كده تعدينا حدود الحريه
و لتانى مره ذاكر و ركز يا هندسه فى امتحناتك لحسن تيلفون صغير لتعلب و انت عارف
فى رعاية الله
:)
At Sunday, April 29, 2007 at 11:09:00 AM GMT+3, zemos
ديما اوقات الامتحنات تلاقى المواجع اتقلبت و الالهام نزل
يمكن عشان المصري اتعود ما ينتجش ولا يتحركش إلا وقت الزنقة... و التاريخ شاهد علينا...... بس اعذريني... بيعز عليا ما أدونش الحاجات دي لأني ما باكتبش بمزاجي... دي مواسم والله
شوفي... الحكيم اللي يعدي و ما ينساش... أنا نفسي والله ما غاوي نكد... بس أوقات محنتي بأعوز فيها شوية خصوصية و احترام للحالة اللي أنا فيها لأني مش عاوز أطول
موافقك جدا في إن ما يحقليش إني أنكد ع اللي حواليا... بس دي بتبقى كلاكيع بعيد عنك يا باشمهندسة و ناس عايزه تحس بالإهتمام
موافقك كمان إن روميو و اللي على شاكلته أفنوا حياتهم في تسبيل و حب و أشعار لا تبني بيت و لا تأكل عيش لوحدها
الطفل ربنا خلقله رجليه و ما بيمشيش إلا بعد سنة... فالحب وحده أساسي... بس لازمله مسئولية و خبرة في الحياة
بأه كده برضه؟؟؟.... أخرتها تعمليها في أخوكي؟؟؟؟
بلاش دكتور تعلب بالله عليكي... عاوزه تهدديني صحيح... هدديني بمهدي العريني
شكرا للدردشة الجميلة دي
:)
At Monday, April 30, 2007 at 2:56:00 AM GMT+3, 
الحب هو الحب مهما اتغير الزمان او المكان لما الانسان يحب بجد بيدى كل مايملك مهما كانت الظروف الى عيشها 0 وبالنسبه للنسيان الانسان ممكن ينسى جرح اوالم بس اول حب فى حياته مش ممكن غير بمعجزه الالمام بتمحيها الايام ولما بنعوز ننسى هننسى 0ورميو وجوليت دول يارتهم موجودين دلوقتى كانوا هيبئوا رمزللحب الصادق الى صعب يبئى موجود دلوقتى0 معلش زهئتكم معايا
At Tuesday, May 1, 2007 at 11:10:00 PM GMT+3, توهة
والله ما يرضى حد يا بنى
ان الواحد يغلط مرتين بس حنعمل طبيعة النفس البشريه كده خطاءه
المهم اننا نتعلم من غلطنا
والله ما حنتعلم ولا نيله جتنا خيبه
والنسيان موجود بس بياخد وقت
بس تعرف انا مابقتنعش بالنسيان التام وكأنى ولا حاجه حصلت بس هو نوع من التكيف مع الحاجه اللى عايزبن ننساه فبنتقبل وجودها بالتدريج وتصبح بعد كده مجرد صوره باهته مالهاش عمق
معلش طولت تخاريف امتحانات بقى تعمل ايه
At Wednesday, May 16, 2007 at 2:12:00 PM GMT+3,
نزعة تعذيب ,البنى ادم ميعرفش يعيش من غير ما يفتكر كل يوم حاجة تزعله من الدنيا لازم حاجة تحسسه بالاسف عشان الحال اللى هو فيه..حتى لو كان حاله احسن كتير من ناس غيره.كلنا كده,و فى رأيي انه عشان الواحد ينسى لازم يفتكر كل اللى عاوز ينساه بالتفصيل و برغم انه بيوجع بس ساعات بينفع مش مع الكل طبعا الا اننا فى النهاية بنوصل لحالة واحدة...شئنا أم أبينا...التعايش...مش عارفة اسمى اللى انت كاتبه ايه بس هو اكتر بكتير من معبر.
