ياااااه صعبة جدا
اذا كانت محض خيال فيارب لا تتحقق واذا كانت واقع فالصبر الصبر
ياااااااااه بجد صعبة جدا

الحكايه دى محتاجه تدخل عفريت حكيم

و لا ايه رايك

;)

السؤال الأوقع هنا يا ترى من تحب هي؟؟؟

الأندلس:

انت بقيت زبون دايم,.... أشكرك :)

Big Girl:
عفريت أليط... مش كده؟! :)
عموما العفاريت احتاروا في أمور البني آدمين.... و ما عفريت إلا بني آدم

واحدة غريبة:
هي لو حكيمة .. حتى لو بتحب واحد منهم... الأسلم تبعد نفسها عنهم... و تنهي الماتش بالتعادل السلبي.... كلام قاسي حبتين... بس دا أحسن الحلول من وجهة نظر محايدة... ... تحياتي و نورتي المكان :)

اولا انا واحدة مش واحد
ثانيا لو مش فيها غلاسة يعني هل الخاطرة ده واقع أم محض خيال؟؟

دا بقى نقدر نقول عليه مطب صناعى لازم ناخدة على الأربع عجلات

بمعنى آخر انا موافقة جدا على فكرة انها تبعد عنهم هم الإثنين

بس السؤال .. مش عذاب لو كانت بتحب واحد فيهم..حرمان وتعب.. بس ارجع وأقول هو فى كل الأحوال عذاب .. فالبعد أهون

كلامك مظبوط جدا بس انت عارف على رأي المثل " اللي ايده في المياه مش زي اللي ايده في النار" يعني احنا مش حاسين باللي هم حاسين بيه

المشكلة طبعا ابعد من انها تتحل بكلمتين مننا بس لو حاولنا نتحايل على الحل بتاعك ونلاقي حل تاني هو اكيد مش احسن من الناحية العملية بس مين عارف يمكن ينفع

لو قلنا انها طلعت بتحب واحد تاني او لو مش بتحب حد خالص -وده يكون اريح- يبقى المشكلة اتحلت والاتنين مفروض يبعدوا عنها ومش يخسروا صداقتهم علشانها " الباب اللي يجيلك منه الريح سده واستريح" 0

بس المشكلة لو هي بتحب واحد منهم؟؟؟
لوقلنا انها مش تعرف ان الاتنين بيحبوها افتكر ان لو حاولنا نحلها بحل غير حلك يبقى المفروض ان الولد الاخر يطلع نفسه من الماتش ويضحي علشان صاحبه _ اصله خلاص عرف انها مش بتحبه يبقى عايز ايه بقى منها_ يبقى ينسى الموضوع وربنا يعوضه خير ويسيبهم يمكن يعيشوا سعداء ويكسروا القاعدة اللي ماشيه اليومين دول( ان كل الازواج مش طايقين بعض) 0

طيب لو قلنا انها عرفت ان الاتنين بيحبوها يبقى الحل ممكن يكون نفس الحل اللي فوق او تضحي هي ومش تخليهم يخسروا بعض علشانها
ويبقى احنا كده ظلمناها وظلمنا الولد اللي بيحبها

ممكن يكون الكلام اللي انا قلته ده رومانسي وخيالي بس ممكن يكون حل على حسب الحالة وعلى حسب الشخصيات
وارجع واقول تاني مفيش احسن من الحل اللي انت قلته
وربنا يبعدنا عن الهم ده ومش يحطنا في مواقف مشابهة
ملحوظة:اسفه اذا كنت طولت عليك- رغاية صح؟- 0

أندلس
اعذريني... أنا اللي كسلان... كان المفروض أدخل أشوف البروفايل بتاعك
حصل خير
دا محض خيال يا فندم.... بس موجود في الواقع... هي دي اللعبة

jeen
الله ينور عليكي... و ويلكام بااك لأستوديو

واحدة غريبة
ما تنسيش إني قلت إنهم اخوات توأم... مش أصحاب
ممكن صاحب يبعد عن صديق أو يقاطعه... بس أخ... صعبة دي... لا دين و لا قلب يرضى بكده
شكرا ع الرد الغني...:)