02 November 2008
الطريق والليل و حافلة
و زوجان في بداية الحياة
أعياه البحث عن وظيفة جديدة طوال الأسبوع
و ها هما يعودان للقرية حيث الأهل فربما حظيا بنفحة مالية
أو أضعف الإيمان اختصار النفقات في العطلة الأسبوعية
أصعب ما يكون..شعور رجل ترك عمله أو أجبر على ذلك و هو مسؤل عن بيت و أسرة و إن كانت تتألف فقط منهما... حتى إن كانت هي لا تشتكي
غلبه النعاس
و كانت في قمة اليقظة تفكر

الله وحده يعلم ما رأى في هذه الغفوة

والله وحده يعلم ما جعله ينتفض فجأة ليفيق و يتلفت حوله ليرى هل رآه أحد؟!؟
تظاهرت هي سريعا بالنوم كيلا يشعر منها بالحرج
ربما هو التوتر؟!...القلق؟!...أو كابوس يقظة إن صح التعبير!؟
مسح وجهه بكفيه و استعاذ بالله من الشيطان وعادت أنفاسه إلى الإنتظام تدريجيا
تظاهرت بالاستيقاظ ثم أخرجت زجاجة المياه البارد لتعرض عليه الشرب...وتداري اشفاقها عليه
شرب و شكرها فتأبطت ذراعه بيمناها و ربتت على كتفه باليسرى و ابتسمت في أمومة
صحصح بأه...هانت...قربنا نوصل

Labels:

 
posted by zemos at 10:42 AM
7 Comments:


At Sunday, November 2, 2008 at 3:15:00 PM GMT+2, Blogger Misho

كالعاده ف الجون
اي ست اصيله لازم تقسم الرغيف مع شريك حياتها لانهم مع بعض ع الحلوة و المرة, و بعدين ربنا بيرزقه برزقها
اما اللى ما بين السطور ف باذن الله خير و هتتعدل وتبقي زي الفل
و تحياتي لقلمك كثيرا و ياريت متتأخرش علينا انت عارف الادمان بقي و كده :-)

 

At Wednesday, November 5, 2008 at 4:11:00 PM GMT+2, Blogger shimaa

ربنا يخدعنا قلة الكلمات
لكنها تحمل فى طياتها كثير من المعانى

انها الزوجة الحنون الذى يستمد منها الزوج طاقاته لتعينه على الدنيا بما فيها

سلمت يداك

 

At Thursday, November 6, 2008 at 4:41:00 AM GMT+2, Blogger zemos

misho
يا رب

شيماء طلعت
ربنا يقرب البعيد و يجمعكم على خير.... ومن متابعتي لحكايتكم ان شاء الله هاتقسموا كل حاجة على اتنين و أولها الفرح...مش بس الرغيف

أحب كمان أبدي احترامي و تقديري الشديد لرغبتك و قرارك برفع التعليقات عن المركب الورق..... و أسبابك الأكتر من منطقية في كده
ربنا يعزك

 

At Thursday, November 6, 2008 at 9:01:00 PM GMT+2, Blogger zahra

أشكرك على تلك السيمفونية الهادئة من الكلامات

 

At Thursday, November 13, 2008 at 5:44:00 AM GMT+2, Blogger توهة

ياااااااااه

من زمن الواحد مجاش هنا

بس إيه القصة الحلوه دى حتنافسنا ولا إيه :))))))

وإيه اخر الاخبار ؟؟؟

تمام إن شاء الله


تحياتى

 

At Friday, January 23, 2009 at 12:21:00 AM GMT+2, Blogger jeen

لفة المدونات وحشتنى من زمان

ويمكن كتاباتك لها طعم تانى كالعادة

هادية وعاقلة وست الكل .. ربنا يخليهم لبعض فى قصتك

:)

 

At Sunday, January 24, 2010 at 6:20:00 PM GMT+2, Blogger max.adams

هنيئاً لها اهتمامه
و هننيئاً له تفهمها و حنانها

و هنيئاً لنا زادنا من قلمك

تسلم