K.G.1
30 March 2008

مكانش شاطر في الرسم زيها

كان نفسه يرسم و يلون لوحة لوشها

إن شالله حتى يشفها

كات مشكلة...بس بسرعه حلها

جاب ورقة بيضا و ألوانه كلها

و رسم و لوِن...حروف إسمها

Labels: ,

 
posted by zemos at 5:18 PM 4 ملاحظات السادة الزوار
"حسبي الله"
10 March 2008
لطيفة أوي الشرايط "الدينية" اللي زملاء العمل بيجبروا سواق عربية المصنع-بالذوق- يشغلها واحنا مروحين
.
النهاردة موضوع العظة هو(شروط دخول المسلم النار)؟!؟
شوف يا مؤمن
و زعييييق و صرااااخ و شخط و نطر و صديد و دم و قيح وتسجيل الشريط ردييييء و رحت في النوم و قمت بعد ربع ساعة و لسه في نفس النقطة
وفي الآخر ألاقيه بيقول خيفة ألا أطيل عليكم نستكمل "حديثنا" بعد الصلاة
أقم الصلاة؟!؟
أتاريها خطبة جمعة.. و استطرد بعدها ربع ساعة كمان
استغرق هذا "الحديث" ساعة و انتهى على وعد بالحديث عن الجنة في اللقاء القادم إن شاء الله
.
و كم تمنيت -أنا- يا إخواني أن يكون في الشريط المزيد و في الطريق بقية ليتسنى لي سماع خطبة الجنة
و استبشرت خيرا لما سمعت صوت الخطيب من جديد يحمد الله و يثني و يصلي و يسلم على رسوله الكريم و يقدم للحديث عن الجنة
و هما تلاتين ثانية فتح نفسي على الإنصات و انحرف خارج المسار على خروج الروح و القبر و... و.... و..... الحمد لله وصلنا
طلبت من عم شوقي السواق ينزلني "هنا" و السلام عليكم يا رجاله
.
اتمشيت لحد البيت و جه في بالي موقف زي ده و احنا راجعين من تدريب صيفي في عربية شركة من 3 سنين و كان معانا بنت مسيحية في حالها تماما و كان يوميا الشباب يبعتوا للسواق شريط درس دين لعمرو خالد أو لمحمود المصري وغيرهم -الناس السمحة دي- و كانت بتسمع و مكانش بيبقى في أي حرج في العربية
*&^%$#@إلى أن جاااااء يوم شريط عذاااااب القبر
دا كان ناقص يقول يااااااا كــَـــفــَــــره
فين بأه ادع إلى سبيل ربك بالحكمة و الموعظة الحسنة... و وإن كنت فظاً غليظ القلب لانفضوا من حولك
الكارثة إن في ناس بتحب كده... و ما بتتعظش غير بكده... لازم أتهزأ و أتوبخ وأتقطم عشان أفوق؟!؟
الترهيب غلب الترغيب
مش غريبة في زمن الإنسان بيمشى عدل بس عشان الغولة هتاكله أو شبشب ماما -أو بابا- وعصاية الأستاذ و خصم المرتب والرفد و
حسبي الله و كفى
و بارك الله في إذاعة القرآن الكريم تكفيني.......
.
عمرو

Labels:

 
posted by zemos at 6:20 PM 4 ملاحظات السادة الزوار
مطلوب: عدد 1 سلم
05 March 2008
.
.
سلم طوارئ
.
moro:عدسة

Labels:

 
posted by zemos at 5:51 PM 1 ملاحظات السادة الزوار